2015 جىلعى 31 جەلتوقسان, استانا, ۇكىمەت ءۇيى
قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسىن بەكىتۋ تۋرالى
«مەملەكەتتىك ساتىپ الۋ تۋرالى» 2015 جىلعى 4 جەلتوقسانداعى قازاقستان رەسپۋبليكاسى زاڭىنىڭ 39-بابى 3-تارماعىنىڭ 17) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسى بەكىتىلسىن.
2. حالىقارالىق شارتتارعا سايكەس ۋاكىلەتتىك بەرىلگەن مەملەكەتتىك ورگاندار تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋ ءۇشىن بولىنگەن اقشا قاراجاتىن وڭتايلى جانە ءتيىمدى جۇمسالۋىن باقىلاۋدى قامتاماسىز ەتسىن.
3. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.
4. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى
№1165 قاۋلىسىمەن بەكىتىلگەن
قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسى
1. قىزمەتىنىڭ نەگىزگى ءمانى «بايقوڭىر» عارىش ايلاعىنىڭ عارىشتىق ينفراقۇرىلىم وبەكتىلەرىنىڭ بازاسىندا ەكولوگيالىق قاۋىپسىز جاڭا «بايتەرەك» عارىش زىمىران كەشەنىن قۇرۋ بولىپ تابىلاتىن «بايتەرەك» قازاقستان-رەسەي بىرلەسكەن كاسىپورنى» اكتسيونەرلىك قوعامى 2005 جىلعى
21 قازانداعى قازاقستان رەسپۋبليكاسىنىڭ زاڭىمەن راتيفيكاتسيالانعان, 2004 جىلعى 22 جەلتوقساندا جاسالعان قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە سايكەس ساتىپ الاتىن تاۋارلار, جۇمىستار مەن كورسەتىلگەن قىزمەتتەر:
1) «بايتەرەك» عارىش زىمىران كەشەنىنىڭ (بۇدان ءارى – «بايتەرەك» عزك) قۇرامىندا پايدالانۋ بولجانىپ وتىرعان تەحنيكالىق جانە ۇشۋ كەشەندەرىنىڭ جابدىعىنا تەكسەرىس جۇرگىزۋ, بولشەكتەلەتىن جابدىقتىڭ قۇرامىن انىقتاۋ, جوندەۋ-قالپىنا كەلتىرۋ جۇمىستارىنىڭ كولەمىن انىقتاۋ;
2) «بايتەرەك» عزك قۇرامىندا پايدالانۋ بولجانىپ وتىرعان تەحنيكالىق جانە ۇشۋ كەشەندەرىنىڭ قۇرىلىس كونسترۋكتسيالارى مەن ينجەنەرلىك-تەحنيكالىق جۇيەلەرىن زەرتتەۋ;
3) «بايتەرەك» عزك-گە تەحنيكالىق جوبانى ازىرلەۋ, جاڭا اگرەگاتتار مەن ۇشۋ جانە تەحنيكالىق كەشەندەر جۇيەلەرىنىڭ جاڭالارىن جاساۋ جانە جۇمىس ىستەپ تۇرعاندارىن جەتىلدىرۋ جونىندەگى تاجىريبەلىك-كونسترۋكتورلىق جۇمىستارعا تەحنيكالىق تاپسىرمالار بەرۋ, ينۆەستيتسيالاردى نەگىزدەۋ ءۇشىن باستاپقى دەرەكتەردى بەرۋ;
4) ۇشۋ جانە تەحنيكالىق كەشەندەردىڭ, جەردەگى جابدىق جيناقتارىنىڭ, تەكسەرۋ اپپاراتۋراسى مەن تاسىمالداۋ قۇرالدارىنىڭ جاڭادان جاسالاتىن جانە جەتىلدىرىلەتىن تەحنولوگيالىق اگرەگاتتارى مەن جۇيەلەرىنە ەسكيزدىك جوبالار مەن كونسترۋكتورلىق قۇجاتتاما شىعارۋ;
5) تەحنيكالىق تاپسىرمالاردى, باعدارلامالار مەن ادىستەمەلەردى ازىرلەۋ, «بايتەرەك» عزك قۇرامىندا پايدالانۋ بولجانىپ وتىرعان ۇشۋ جانە تەحنيكالىق كەشەندەر جابدىعىنىڭ بەلگىلەنگەن كورسەتكىشتەرىن ۇزارتۋ جونىندە جۇمىس جۇرگىزۋ, جوندەۋ-قالپىنا كەلتىرۋ جۇمىستارىن جۇرگىزۋ, قورىتىندىلار بەرۋ;
6) «بايتەرەك» عزك جۇمىستارىندا ىسكە قوسىلماعان جابدىقتى بولشەكتەۋ;
7) كەشەننىڭ قۇرىلىس بولىگىنە باستاپقى دەرەكتەردى بەرۋ, ۇشۋ جانە تەحنيكالىق كەشەندەردى قايتا جاڭارتۋعا ارنالعان ينۆەستيتسيالاردىڭ نەگىزدەمەسىن ازىرلەۋ;
8) جوبانىڭ جۇمىس قۇجاتتاماسىنىڭ نەگىزىندە ىزدەستىرۋ جۇمىستارىن جۇرگىزۋ;
9) ۇشۋ جانە تەحنيكالىق كەشەندەردى قايتا جاڭارتۋ جونىندەگى قۇرىلىس-مونتاجداۋ جۇمىستارىنا ارنالعان جۇمىس جوباسىن ازىرلەۋ;
10) جەتىلدىرىلەتىن جانە جاڭادان ەنگىزىلەتىن تەحنولوگيالىق اگرەگاتتار مەن جۇيەلەردىڭ, جەردەگى جابدىق جيناقتارىنىڭ, تەكسەرۋ اپپاراتۋراسىنىڭ جانە تاسىمالداۋ قۇرالدارىنىڭ جابدىعىن جاساۋ ءارى جەتكىزۋ;
11) تەحنولوگيالىق اگرەگاتتار مەن جۇيەلەرگە ارنالعان پايدالانۋ قۇجاتتاماسىن, جەردەگى جابدىق جيناقتارىن, تەكسەرۋ اپپاراتۋراسى مەن تاسىمالداۋ قۇرالدارىن شىعارۋ, كەشەندى قۇجاتتامانى شىعارۋ;
12) تەحنولوگيالىق جابدىقتى جاساۋ جانە جەتكىزۋ;
13) قۇرىلىس جۇمىستارىن جۇرگىزۋ, ۇشۋ جانە تەحنيكالىق كەشەندەردە ارناۋلى تەحنيكالىق جۇيەلەردى مونتاجداۋ;
14) تەحنولوگيالىق جابدىقتى, جەردەگى جابدىق جيناقتارىن, تەكسەرۋ اپپاراتۋراسىن مونتاجداۋ;
15) ىسكە قوسۋ-جوندەۋ جۇمىستارىن, ۇشۋ جانە تەحنيكالىق كەشەندەردىڭ جۇيەلەرى مەن اگرەگاتتارىن دەربەس جانە كەشەندى سىناۋلاردى جۇرگىزۋ;
16) «بايتەرەك» عزك ءۇشىن قازىرگى «بايقوڭىر» كەشەنىندەگى بايلانىس جانە تەلەكوممۋنيكاتسيالىق قامتاماسىز ەتۋ جۇيەسىن جەتە جاراقتاندىرۋ;
17) «بايتەرەك» عزك ولشەۋ, اقپارات جيناۋ جانە وڭدەۋ قۇرالدارىنىڭ كەشەنىن قۇرۋ;
18) تەمىر جولداردى قايتا جاڭارتۋ;
19) وتتەگى-ازوت زاۋىتىن جانە زىمىران وتىن قۇراۋىشتارىن ساقتاۋ كەشەنىن قايتا جاڭارتۋ;
20) 11گ141 جانە 11گ12 ماي قۇيۋ-بەيتاراپتاندىرۋ ستانتسيالارىن قايتا جاڭارتۋ;
21) باعدارلامالىق-ادىستەمەلىك جانە كەشەندى پايدالانۋ قۇجاتتاماسىن ازىرلەۋ;
22) «بايتەرەك» گزك-ءنىڭ ەكولوگيالىق قاۋىپسىزدىگىن قامتاماسىز ەتۋ جونىندەگى جانە «بايتەرەك» عزك-ءنى قۇرۋ مەن پايدالانۋ كەزىندە زىمىران تاسىعىشتان بولىنەتىن بولىكتەردىڭ ۇشۋ تراسسالارى مەن قۇلايتىن اۋداندارىن قامتاماسىز ەتۋ جونىندەگى جۇمىستار;
23) رەگلامەنتتىك جۇمىستاردى, تەحنيكالىق جانە ۇشۋ كەشەندەرى جابدىعىن, ولشەۋ, اقپارات جيناۋ جانە وڭدەۋ قۇرالدارىنىڭ كەشەنىن, ايداۋ بلوگىن جەر ءۇستى باسقارۋ كەشەنىن جانە «بايتەرەك» عزك ينفراقۇرىلىمىنىڭ باسقا دا وبەكتىلەرىن ۇستاۋ جانە اعىمداعى پايدالانۋ جونىندەگى جۇمىستاردى جۇرگىزۋ;
24) عارىشتىق ماقساتتاعى زىمىرانمەن جۇمىستارعا تەحنولوگيالىق جابدىق دايىنداۋ;
25) تەحنيكالىق جانە ۇشۋ كەشەندەرىندەگى عارىشتىق ماقساتتاعى زىمىراندى جيناۋ جانە سىناۋ جونىندەگى جۇمىستاردى قامتاماسىز ەتۋ;
26) زىمىران وتىنىنىڭ قۇراۋىشتارىن ساتىپ الۋ جانە تاسىمالداۋ;
27) ىسكە قوسقاننان كەيىنگى جوندەۋ-قالپىنا كەلتىرۋ جۇمىستارى;
28) «بايتەرەك» عزك-ءنىڭ قۇرىلىس عيماراتتارىنىڭ, تەحنيكالىق جانە تەحنولوگيالىق جابدىقتارىنىڭ بەلگىلەنگەن كورسەتكىشتەرى مەن رەسۋرسىن ۇزارتۋ جونىندەگى جۇمىستاردى جۇرگىزۋ.
2. قىزمەتىنىڭ نەگىزگى ءمانى 2001 جىلعى 28 قاراشاداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى گاز سالاسىنداعى ىنتىماقتاستىق تۋرالى كەلىسىم (بۇدان ءارى – كەلىسىم) شەڭبەرىندە تابيعي گازدى ساتىپ الۋ ونىڭ ماركەتينگى, تاسىمالداۋ جانە قايتا وڭدەۋ بولىپ تابىلاتىن «قازرەسەيگاز» بىرلەسكەن كاسىپورنى – جاۋاپكەرشىلىگى شەكتەۋلى سەرىكتەستىگى كەلىسىمگە سايكەس ساتىپ الاتىن تاۋارلار, جۇمىستار جانە كورسەتىلەتىن قىزمەتتەر:
1) قاراشىعاناق كەن ورنىنىڭ تابيعي گازى;
2) قازاقستان رەسپۋبليكاسىندا تۇتىنۋعا ارنالعان گازدىڭ كولەمىن قوسا العاندا, رەسەي فەدەراتسياسىنىڭ گاز وڭدەۋ زاۋىتتارىندا قاراشىعاناق كەن ورنىنىڭ تابيعي گازىن تاسىمالداۋ جانە وڭدەۋ جونىندەگى جۇمىستار مەن كورسەتىلەتىن قىزمەتتەر;
3) قازاقستان رەسپۋبليكاسىنىڭ ىشكى نارىعىن ايىرباستاۋ وپەراتسيالارىنىڭ شەڭبەرىندە باسىم قامتاماسىز ەتۋ ماقساتىندا باسقا كوزدەردەن الىناتىن تابيعي گاز جانە ونى تاسىمالداۋ جونىندەگى كورسەتىلەتىن قىزمەتتەر.
3. قازاقستان-قىتاي مۇناي قۇبىرىنىڭ ەكىنشى كەزەڭىن پايدالانۋعا بەرۋ ماقساتىندا جۇزەگە اسىرىلاتىن اتىراۋ – كەڭقياق – قۇمكول – اتاسۋ – الاشانكوۋ باعىتى بويىنشا ماگيسترالدىق مۇناي قۇبىرلارى جۇيەسىن (بۇدان ءارى – اتىراۋ – الاشانكوۋ مۇناي قۇبىرى) مەن ولاردىڭ وبەكتىلەرىن قايتا جاڭارتۋ جانە سالۋ ءۇشىن «قازاقستان-قىتاي قۇبىرى» جاۋاپكەرشىلىگى شەكتەۋلى سەرىكتەستىگى, «مۇنايتاس» سولتۇستىك باتىس قۇبىرجول كومپانياسى» اكتسيونەرلىك قوعامى, «كازترانسويل» اكتسيونەرلىك قوعامى 2007 جىلعى 18 تامىزدا جاسالعان 2004 جىلعى 17 مامىرداعى قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى مۇناي جانە گاز سالاسىنداعى جان-جاقتى ىنتىماقتاستىقتى دامىتۋ تۋرالى نەگىزگى كەلىسىمگە وزگەرىستەر ەنگىزۋ تۋرالى حاتتاماعا سايكەس قىزمەتتىڭ نەگىزگى ءمانى بويىنشا ساتىپ الاتىن تاۋارلار, جۇمىستار مەن كورسەتىلەتىن قىزمەتتەر:
1) جوبالىق-زەرتتەۋ جۇمىستارىن, اۆتورلىق قاداعالاۋدى, جوبالىق جۇمىستاردىڭ ساراپتامالارىن قوسا العاندا, نورماتيۆتىك-تەحنيكالىق قۇجاتتاماعا سايكەس جوبالىق-سمەتالىق قۇجاتتامانى ازىرلەۋ;
2) زاڭنامادا بەلگىلەنگەن تارتىپپەن ءتيىستى مەملەكەتتىك ساراپتامالاردان وتكەن جوبالىق-سمەتالىق قۇجاتتامادا كوزدەلگەن كولەمدە جانە مولشەردە اتىراۋ – كەڭقياق – قۇمكول – اتاسۋ – الاشانكوۋ باعىتى بويىنشا ماگيسترالدىق مۇناي قۇبىرلارى جۇيەسىن سالۋ جانە قايتا جاڭارتۋ ءۇشىن قاجەتتى تاۋارلار, جۇمىستار مەن كورسەتىلەتىن قىزمەتتەر:
قۇبىر ءونىمى;
تيەكتى ارماتۋرا;
سورعى جابدىعى مەن اگرەگاتتارى;
تەرموشوگىندى مانجەتتەر جانە وقشاۋلاندىرعىش ماتەريالدار;
دانەكەرلەۋ ماتەريالدارى مەن جابدىعى;
تازالاۋ قوندىرعىلارىن ىسكە قوسۋ جانە قابىلداۋ كامەرالارى;
تەمىر-بەتون بۇيىمدارى;
مەتالل پروكاتى جانە مەتالل كونسترۋكتسيالارى;
ەلەكتر سىمدارى;
جىلجىمالى جانە تۇراقتى ديزەلدى ەلەكتر ستانتسيالارى;
كاتودتىق قورعاۋ ستانتسيالارى;
باقىلاۋ, باسقارۋ جانە دەرەكتەر جيناۋ جۇيەسىنىڭ جابدىعى;
تەحنولوگيالىق جابدىققا ارنالعان بلوك بوكستار;
تالشىقتى-وپتيكالىق كابەل;
بايلانىس جابدىعى;
پەريمەترالدى قورعاۋ جۇيەسىنىڭ جابدىعى;
ورتكە قارسى دابىل جانە ءورت ءسوندىرۋ جۇيەسىنىڭ جابدىعى;
كۇش جانە باقىلاۋ كابەلدەرى;
مۇنايدىڭ مولشەرى مەن ساپاسىن كوممەرتسيالىق ەسەپتەۋ توراپتارى;
اۆتوماتتاندىرىلعان سىناما العىشتار;
جوعارى ۆولتتى جابىق جانە اشىق تاراتۋشى قوندىرعىلارعا ارنالعان ەلەكتر جابدىعى;
ەلەكتر ترانسفورماتورلارى;
قىسىم رەتتەگىشتەر;
تەحنولوگيالىق فيلترلەر;
ارنايى قورعاۋ كيىمى مەن اياق كيىم;
جانار-جاعار ماي ماتەريالدارى;
اقپ-عا ارنالعان ارنايى ماشينالار, اۆتوكولىك تەحنيكاسى;
ماگيسترالدىق مۇناي قۇبىرى وبەكتىلەرىن, جوعارى ۆولتتى جەلىلەردى, جولداردى, مۇناي ايداۋ ستانتسيالارىن, سىرتقى ەلەكترمەن جابدىقتاۋدى جانە سۋمەن جابدىقتاۋدى, تەحنولوگيالىق بايلانىس جۇيەسىن, مۇناي قۇبىرىن باقىلاۋ, باسقارۋ جانە دەرەكتەر جيناۋ جۇيەسىن سالۋ;
3) جوبالاۋدى, تاۋارلاردى (ماتەريالدار مەن جابدىقتاردى) جەتكىزۋدى جانە مۇناي قۇبىرى وبەكتىلەرىن سالۋدى باسقارۋ جانە قاداعالاۋ;
4) اتىراۋ – كەڭقياق – قۇمكول – اتاسۋ – الاشانكوۋ باعىتى بويىنشا ماگيسترالدىق مۇناي قۇبىرلارى جۇيەسىن جوبالاۋعا, سالۋعا جانە پايدالانۋعا بەرۋگە بايلانىستى كونسۋلتاتسيالىق, ونىڭ ىشىندە زاڭ جانە قارجى كورسەتىلەتىن قىزمەتتەرى.
4. قىزمەتىنىڭ ءمانى «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قازاقستاندىق بولىگىنىڭ ينفراقۇرىلىمىن قۇرۋ, دامىتۋ جانە جۇمىس ىستەۋىن قامتاماسىز ەتۋ بولىپ تابىلاتىن «قورعاس» شەكارا ماڭى ىنتىماقتاستىعى حالىقارالىق ورتالىعى» اكتسيونەرلىك قوعامى 2005 جىلعى
4 شىلدەدە جاسالعان قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىزمەتىن رەتتەۋ تۋرالى كەلىسىمگە سايكەس ساتىپ الاتىن جۇمىستار مەن كورسەتىلەتىن قىزمەتتەر:
«قورعاس» شەكارا ماڭى ىنتىماقتاستىعى حالىقارالىق ورتالىعىندا مەملەكەتتىك شەكارا ارقىلى وتەتىن ارنايى وتكەلدىڭ قازاقستاندىق بولىگىن جوبالاۋ مەن سالۋعا قاجەتتى جۇمىستار مەن كورسەتىلەتىن قىزمەتتەر.
5. قىزمەتىنىڭ ءمانى توپوگرافيالىق-گەودەزيالىق جانە كارتوگرافيالىق جۇمىستاردى جۇرگىزۋ بولىپ تابىلاتىن قازاقستان رەسپۋبليكاسى وڭىرلىك دامۋ مينيسترلىگى جەر رەسۋرستارىن باسقارۋ كوميتەتىنىڭ «قازگەودەزيا» رەسپۋبليكالىق مەملەكەتتىك قازىنالىق كاسىپورنى 2001 جىلعى 5 شىلدەدەگى قازاقستان رەسپۋبليكاسى مەن تۇرىكمەنستان اراسىنداعى قازاقستان-تۇرىكمەنستان مەملەكەتتىك شەكاراسىن دەليميتاتسيالاۋ جانە ونى دەماركاتسيالاۋ پروتسەسى تۋرالى شارتتى, 2001 جىلعى 16 قاراشاداعى قازاقستان رەسپۋبليكاسى مەن وزبەكستان رەسپۋبليكاسى اراسىنداعى قازاقستان-وزبەك مەملەكەتتىك شەكاراسى تۋرالى شارتتى, 2002 جىلعى 9 قىركۇيەكتەگى قازاقستان رەسپۋبليكاسى مەن وزبەكستان رەسپۋبليكاسى اراسىنداعى قازاقستان-وزبەك مەملەكەتتىك شەكاراسىنىڭ جەكەلەگەن ۋچاسكەلەرى تۋرالى شارتتى, 2001 جىلعى 15 جەلتوقسانداعى قازاقستان رەسپۋبليكاسى مەن قىرعىز رەسپۋبليكاسى اراسىنداعى قازاقستان-قىرعىز مەملەكەتتىك شەكاراسى تۋرالى شارتتى,
2002 جىلعى 10 مامىرداعى قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى قازاقستان-قىتاي مەملەكەتتىك شەكارا سىزىعىن دەماركاتسيالاۋ تۋرالى حاتتامانى جانە 2005 جىلعى 18 قاڭتارداعى قازاقستان رەسپۋبليكاسى مەن رەسەي فەدەراتسياسى اراسىنداعى قازاقستان-رەسەي مەملەكەتتىك شەكاراسى تۋرالى شارتتى ىسكە اسىرۋ ماقساتىندا ساتىپ الاتىن جۇمىستار مەن كورسەتىلەتىن قىزمەتتەر:
قازاقستان رەسپۋبليكاسىنىڭ شەكتەس مەملەكەتتەرمەن مەملەكەتتىك شەكارا سىزىعىن دەليميتاتسيالاۋ جانە دەماركاتسيالاۋ (رەدەماركاتسيالاۋ) جۇرگىزۋ ءۇشىن قاجەتتى جۇمىستار مەن كورسەتىلەتىن قىزمەتتەر.
قازاقستان رەسپۋبليكاسى ۇكىمەتىنىڭ 2015 جىلعى 31 جەلتوقسانداعى
№1165 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى
1. «قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 31 قاڭتارداعى № 56 قاۋلىسى (قازاقستان رەسپۋبليكاسىنىڭ ءپۇاج-ى, 2011 ج., № 16, 189-قۇجات).
2. «قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 31 قاڭتارداعى № 56 قاۋلىسىنا تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 23 قىركۇيەكتەگى № 1092 قاۋلىسى
3. «قازاقستان رەسپۋبليكاسىنىڭ حالىقارالىق شارتتارىنا سايكەس ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 31 قاڭتارداعى № 56 قاۋلىسىنا تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 2 تامىزداعى № 772 قاۋلىسى (قازاقستان رەسپۋبليكاسىنىڭ ءپۇاج-ى, 2013 ج., № 43, 639-قۇجات).